INTERI FITON SUPERKUPËN E ITALISË

Admin Posts : 55 Join date : 2008-08-27

Kampioni i Italisë, Interi, e ka fituar edhe superkupën e Italisë, pasi në finale ka mposhtur fituesen e kupës, Romën, pas penalltive me rezultat 6 me 5. Ndeshja pas 90 minutave përfundoi baras 2 me 2, ndërsa në vazhdime të dy skuadrat nuk arritën të shënojnë. Në minutën e 19-të, Muntari kaloi Interin në epërsi, mirëpo Daniele De Rosi me këtë gol të shënuar në minutën e 60-të barazoi në 1 me 1. Interi edhe një herë kaloi në epërsi në minutën e 83-të, me golin e Balotelit dhe u mendua se do ta siguroi superkupën, mirëpo Vuqiniq në sekondën e fundit shënoi për ta barazuar rezultatin në 2 me 2. Në penallti së pari dështoi Stankoviq, mirëpo edhe kapiteni i Romës, Francesko Toti, dështoi, ndërsa penalltinë vendimtare e shënoi kapiteni legjendar i Interit, Javier Zanetti.