U.S OPEN: RAFAEL NADAL PA PROBLEME DEPËRTON NË RRETHIN E DYTË

Admin Posts : 55 Join date : 2008-08-27

Tenisti numër 1 në botë, spanjolli Rafael Nadal, për herë të parë në karrierë në US Open ka ardhur si bartës numër 1, ndërsa në rrethin e parë të garave ka shënuar fitore kundër gjermanit Bjorn Phau pas 3 seteve lojë me rezultat 7:6, 6:3 dhe 7:6. Kjo përballje ndërmjet Nadalit dhe Phaus, i cili në US Open erdhi pas kualifikimeve, ishte mjaft e fortë edhe pse nuk ishte pritur një rivalitet kaq i madh i tenistit të panjohur gjerman. Nadal setin e parë e fitoi vetëm pas taj-brejkut, ndërsa në atë të dytin ishte paksa më bindës duke fituar me rezultat 6:3. Edhe në setin e 3-të, Nadal përsëri hasi në rezistencë të fortë, mirëpo sërish në taj-brejk ishte më i përqendruar dhe e arriti këtë fitore për të depërtuar në rrethin e dytë. Para duelit ndërmjet Jelena Jankoviqit dhe Coco Vandeëeghes, në terrenin e “Arthur Ashe Stadium”, u prezantuan 24 kampionët e fundit të grend sllem turneut US Open prej vitit 1968. Në mesin e tyre natyrisht se ishin edhe Rod Laver, Virginia Ëade, Maria Sharapova, Martina Navratilova, John McEnroe e Roger Federer. Tenistja serbe Jelena Jankvoviq nuk pati telashe kundër tenistes së panjohur amerikane Coco Vandeëeghe, të cilën e mposhti pas 2 seteve lojë me rezultat 6:3 dhe 6:1. Në rrethin e dytë, Jankoviq do të takohet me suedezen Sofia Arvidssonin. Gjithashtu në rrethin e dytë ka depërtuar edhe tenistja ruse, Elena Dementieva, e cila me 2:0 në sete ka mposhtur Akgul Amanmuradovan nga Uzbekistani. Dementieva edhe në setin e parë edhe në të dytin pati mjaft probleme në lojën e saj, mirëpo në fund megjithatë ia doli të triumfojë.