Diellza Kolgeci konfirmon në Flladin Veror lidhjen me Edis Kurajën

Admin Posts : 55 Join date : 2008-08-27

Modelja, këngëtarja dhe aktorja kosovare Diellza Kolgeci edhe publikisht në një intervistë dhënë Flladit Veror në KTV ka folur për lidhjen e saj romantike me basketbollistin e njohur kosovar Edis Kuraja. Basketbollisti Kuraja ka qenë lojtar i K.B. Prishtina, Mabetex dhe së fundi luan për K.B. Peja. Kolgeci gjatë intervistës ka treguar po ashtu se basketbolli është një nga sportet e preferuara të saj. Por megjithëkëtë ajo jo shpesh është e pranishme në ndeshjet në të cilat paraqitet Kuraja. Sipas modeles kjo ndodh për shkak të angazhimeve të shumta që ka. Gjatë intervistës Kolgeci ka folur edhe për një tjetër pasion të saj. Fjala është për motoçiklizmin. Kolgeci njihet si një ndër femrat e para të kryeqytetit, për ngasje të motoçikletave. Por kohëve të fundit një gjë të tillë Kolgeci nuk është duke e praktikuar shumë meqë e konsideron si një pasion të rrezikshëm.